Парк імя Янкі Купалы
| Парк імя Янкі Купалы | |
|---|---|
 | |
| Асноўная інфармацыя | |
| Тып | парк |
| Дата заснавання | 1950 |
| Размяшчэнне | |
| 53°54′20″ пн. ш. 27°33′59″ у. д.HGЯO | |
| Краіна | |
| Горад | Мінск |
| Раён | Цэнтральны раён |
 | |
 Медыяфайлы на Вікісховішчы | |
Парк Янкі Купалы (ранейшая назва — Піянерскі парк[1]) — парк культуры і адпачынку ў цэнтры Мінска недалёка ад Плошчы Перамогі. Размешчаны каля перасячэнняў вуліц Янкі Купалы і праспекта Незалежнасці, на правым беразе Свіслачы.Заснаваны ў 1950 годзе Названы ў гонар беларускага паэта Янкі Купалы. Архітэктар праекта І. Рудэнка.
Гісторыя парка
[правіць | правіць зыходнік]Заснаванне парка
[правіць | правіць зыходнік]
.jpg)
Закладзены пасля Вялікай Айчыннай вайны як парк імя 30-годдзя БССР. Да гэтага на гэтым месцы стаялі адна-двухпавярховыя хаты. Асноўная частка парка была заснавана ў 1950 годзе. Галоўная алея парка размешчана па дыяганалі ад пр. Незалежнасці (у той час — пр. Сталіна), дзе знаходзіцца галоўны ўваход у парк, да выгібу Свіслачы. На скрыжаванні галоўнай і цэнтральнай алей, у цэнтры парка размяшчаўся фантан.
У 1959 г. на тэрыторыі парку пабудавалі літаратурны музей Я. Купалы. Музей пабудаваны на месцы, дзе раней быў дом, у якім жыў паэт у 1927—1941 гг.. Сам дом згарэў на пяты дзень Вялікай Айчыннай вайны, а шматлікія рукапісы і архіў Янкі Купалы загінулі. Сёння ў музеі — больш за 36 тысяч адзінак захавання (гэта рукапісы паэта, прыжыццёвыя выданні, кнігі з аўтографамі, фотаздымкі, дакументы, прадметы культуры і побыту, звязаныя з жыццём і дзейнасцю паэта). З 1962 г. — парк імя Янкі Купалы.
Перапланіроўка ў 1970-х
[правіць | правіць зыходнік].jpg)
Першапачаткова, у пачатку галоўнай алеі быў усталяваны помнік С. І. Грыцаўцу (дэмантаваны), але пазней, у 1972 г., да 90-годдзя з дня нараджэння паэта, усталявалі — помнік Я. Купалу (скульптары А. Анікейчык, Л. Гумілеўскі, А. Заспіцкі, архітэктары Ю. Градаў, Л. Левін). Быў перабудаваны і фантан, скульптурная кампазіцыя якога адлюстроўвае адзін з момантаў старажытнага народнага свята — «Купалле», пусканне вянкоў у ваду, за чаго так і называецца «Вянок».
7 сакавіка 2018 года ў парку ў рамках мерапрыемстваў да 100-годдзя Беларускай Народнай Рэспублікі быў усталяваны памятны знак у гонар братоў Антона і Івана Луцкевічаў. Памятны знак размешчаны на месцы дамоў Зоф’і Луцкевіч па колішняй Садовай вуліцы, дзе браты жылі ў 1896—1906 гадах[2].
Галерэя
[правіць | правіць зыходнік]-
Музей Янкі Купалы -
Клумба каля помніка -
Дарожка -
Веладарожкі -
Лодачная
Зноскі
- ↑ Паркавая скульптура Архівавана 23 красавіка 2011.
- ↑ Максім Ляшко. У парку Янкі Купалы ў Мінску ўсталявалі мемарыяльную дошку ў гонар братоў Луцкевічаў. nashaniva.by (7 сакавіка 2018). Архівавана з першакрыніцы 7 сакавіка 2018. Праверана 7 сакавіка 2018.
Спасылкі
[правіць | правіць зыходнік]
- Сквер (парк) імя Янкі Купалы Архівавана 23 красавіка 2011.
- Парк імя Янкі Купалы на сайце «Архіварта»
